Home
દેશ-વિદેશ
ISRO ADITYA-L1 Mission: ચંદ્ર બાદ ISROનું સૂર્ય, મંગળ અને શુક્ર સુધી જવાનું લક્ષ્યાંક, સુર્યની ADITYA-L1 કક્ષામાં મોકલશે યાન...

ISRO ADITYA-L1 Mission: ચંદ્ર બાદ ISROનું સૂર્ય, મંગળ અને શુક્ર સુધી જવાનું લક્ષ્યાંક, સુર્યની ADITYA-L1 કક્ષામાં મોકલશે યાન...

11:24 AM August 25, 2023 admin

ISRO ADITYA-L1 Mission: ભારતે તેના ત્રીજા ચંદ્રયાન મિશન દ્વારા ઈતિહાસ રચ્યો છે. ચંદ્ર પર લેન્ડર મોડ્યુલના સફળ ઉતરાણ બાદ દેશભરમાં ઉજવણીનો માહોલ છે. કરોડો લોકોએ આ ક્ષણને પોતાની આંખે લાઈવ જોઈ છે, આ ઐતિહાસિક સફળતા બાદ વડાપ્રધાન નરેન્દ્ર મોદીએ ઈસરોના વૈજ્ઞાનિકો અને દેશની જનતાને સંબોધિત કર્યા હતા. આ દરમિયાન પીએમ મોદીએ ઈસરોના આગામી મિશન વિશે પણ માહિતી આપી હતી, જેમાં ચંદ્ર પછી સૂર્યનો અભ્યાસ કરવામાં આવશે. દરમિયાન, હવે સવાલ એ ઊભો થઈ રહ્યો છે કે ISRO તેના મિશન આદિત્ય-L1ને ધગધગતા સૂર્ય પર કેવી રીતે પાર પાડશે?

► સૂર્ય માટેની તૈયારી

ચંદ્રને સ્પર્શ કર્યા બાદ ISRO હવે સૂર્ય પર વિજય મેળવવાની તૈયારી કરી રહ્યું છે. આ માટે આગામી સમયમાં ADITYA-L1 મિશન શરૂ કરવામાં આવશે. આમાં, ISRO સૂર્ય(SUN)ના કોરોનલ માસ ઇજેક્શનનો અભ્યાસ કરવામાં આવશે. એટલે કે આ મિશન દ્વારા સૂર્યમાંથી નીકળતી જ્વાળાઓ પર સંશોધન કરવામાં આવશે.

► ADITYA-L1 મિશનનો હેતુ શું છે?

આ મિશનની માહિતી ઈસરોની વેબસાઈટ પર આપવામાં આવી છે. જેમાં કહેવામાં આવ્યું છે કે સૂર્ય પર અલગ-અલગ પ્રતિક્રિયાઓના કારણે અચાનક વધુ ઉર્જા છૂટી જાય છે, જેને કોરોનલ માસ ઇજેક્શન કહેવામાં આવે છે. જેની અસર તમામ ઉપગ્રહો પર પણ પડે છે. હવે સવાલ એ છે કે જ્વાળાઓથી ભરેલા સૂર્યની નજીક સેટેલાઇટ કેવી રીતે ફીટ કરવામાં આવશે. આનો જવાબ પણ સેટેલાઇટના નામમાં જ છુપાયેલો છે.

► સેટેલાઇટ L1 પોઈન્ટ પર રહેશે

આ મિશનને ADITYA-L1 નામ આપવામાં આવ્યું છે, આદિત્ય સૂરજનું બીજું નામ છે અને L1 એક એવી ભ્રમણકક્ષા છે, જે સૂર્ય અને પૃથ્વી વચ્ચે એટલું અંતર છે, જ્યાં બંનેનું ગુરુત્વાકર્ષણ શૂન્ય રહે છે. એટલે કે, ન તો સૂર્યનું ગુરુત્વાકર્ષણ તેને પોતાની તરફ ખેંચી શકે છે, ન તો પૃથ્વીનું... L1 ને લેગ્રેન્જિયન પોઈન્ટ કહેવામાં આવે છે. આવા પાંચ બિંદુઓ છે, પરંતુ L1 એવી જગ્યા છે જ્યાંથી સૂર્યનો સરળતાથી અભ્યાસ કરી શકાય છે. જ્યાં બંને ગ્રહોનું ગુરુત્વાકર્ષણ સમાપ્ત થાય છે. પૃથ્વીથી આ બિંદુનું કુલ અંતર લગભગ 15 લાખ (1.5 મિલિયન) કિમી છે.

►ઉપગ્રહ માટે સૌથી સલામત બિંદુ

આ ઉપગ્રહ L1 ભ્રમણકક્ષાથી આગળ વધી શકતો નથી, કારણ કે જો તે તેને ઓળંગે છે, તો સૂર્ય તેને થોડી જ વારમાં ગળી જશે. એટલે કે, ADITYA-L1 આ બિંદુએ રહીને સૂર્યનો અભ્યાસ કરશે. ઈસરોએ વેબસાઈટ પર જણાવ્યું છે કે આદિત્ય L1 પેલોડનો સૂટ કોરોનલ હીટિંગ, કોરોનલ માસ ઇજેક્શન, પ્રી-ફ્લેર અને તેમની લાક્ષણિકતાઓ, અવકાશ હવામાનની ગતિશીલતા, કણો અને પ્રદેશોના પ્રસાર વગેરેની સમસ્યાને સમજવા માટે સૌથી મહત્વપૂર્ણ માહિતી આપશે. ADITYA-L1માં કુલ સાત અલગ-અલગ પેલોડ હશે. જે સૂર્યમાંથી આવતા કિરણોની તપાસ કરશે. તેમાં હાઈ ડેફિનેશન કેમેરા પણ હશે. ચાર પેલોડ્સ સૂર્યનું રિમોટ સેન્સિંગ કરશે અને બાકીના ત્રણનો ઉપયોગ ઇન-સીટુ અવલોકન માટે કરવામાં આવશે.